Bandbestätigung #8 - Luusbuebe
- Cedric Gantenbein
- 4. Apr.
- 1 Min. Lesezeit
Über die grosse Themene und vor allem mit ganz vill Liebi macht d’Zürcher Band Luusbuebe Lieder für die chline und grosse Chind. Sie wüssed, dass mer Chind vill meh cha zuetraue als die meiste dänked. Gsellschaftlichi Theme sind ihne genauso wichtig wie gueti Fründschafte. 2016 spontan fürs Chinderprogramm vom Openair Wipkinge gründet, händ d’Luusbuebe drü Jahr spöter ihri ersti EP ufgnoh. Sit dem spilled sie uf chliine und bitzli grössere Bühne und händ mittlerwile ganz vill neui Lieder im Gepäck, wo sie uf dä Kulturwiese zu ihrem Beschte geh werded. Luusbuebe mached Chindie-Folk uf ihri Art, aber au i de Tradition vo ihrne grosse Vorbilder Schtärneföifi und de legendäre Ohrewürm CDs wo sie i ihrere Chindheit ufe und abeglost händ.